ருமேனியா-இந்தியா நாடுகள் கூட்டாக வெளியிட்ட நாட்டுப்புற உடைகள் அஞ்சல் தலை குறித்த சிறப்பு சொற்பொழிவு நிகழ்ச்சி!
திருச்சி, அக், 8: திருச்சிராப்பள்ளி பிளாட்டலிக் கிளப் சார்பில் ருமேனியா-இந்தியா நாடுகள் கூட்டாக வெளியிட்ட நாட்டுப்புற உடைகள் அஞ்சல் தலை குறித்த சிறப்பு சொற்பொழிவு நிகழ்ச்சி திருச்சியில் நடைபெற்றது. திருச்சிராப்பள்ளி பிளாட்டலிக் கிளப் செயலர் யோகா ஆசிரியர் விஜயகுமார் துவக்க உரையாற்றினார். தலைவர் லால்குடி விஜயகுமார் தலைமை வகித்தார். நிறுவனர் நாசர் முன்னிலை வகித்தார் அஞ்சல் தலை சேகரிப்பாளர் காசிநாத்ருமேனியா-இந்தியா நாடுகள் கூட்டாக வெளியிட்ட நாட்டுப்புற உடைகள் அஞ்சல் தலை குறித்து பேசுகையில்,ருமேனிய-இந்திய இராஜதந்திர உறவுகளின் 75 ஆண்டு நிறைவைக் குறிக்கும் வகையில் அஞ்சல்தலை வெளியீடு ஒரு குறிப்பிடத்தக்க கலாச்சார நிகழ்வாக பதிவு செய்யப்பட்டுள்ளது.
ருமேனியா மற்றும் இந்தியாவிலிருந்து நன்கு அறியப்பட்ட பாரம்பரிய உடைகள் கொண்ட நாட்டுப்புற ஆடைகளைக் காட்டும் முதல் நாள் அஞ்சல்உறை ஆகியவை அடங்கும்.
லீயு 4 இன் முகமதிப்பு கொண்ட தபால்தலை இந்திய ஆடைகளின் பாரம்பரியத்தைக் காட்டுகிறது. பெண்களின் உடையான லெஹெங்கா சோலி உள்ளது. ஒரு சடங்கு உடையைக் குறிக்கும் பாவாடை மற்றும் ரவிக்கை. நீளமான, மடிந்த, பொதுவாக எம்ப்ராய்டரி செய்யப்பட்ட பாவாடையில், உடலுக்குப் பொருந்தக்கூடிய பிளவுஸ் கட் மற்றும் ஒரு துணி சேர்க்கப்பட்டுள்ளது, இது பூக்களால் அலங்கரிக்கப்பட்டுள்ளது, இது ஆடையின் நேர்த்தியை அதிகரிக்கிறது.
ஆண்களின் உடையில் தோதி (கால்சட்டை போன்றது) மற்றும் குர்தா, பாரம்பரியமாக பருத்தி அல்லது பட்டு ஆகியவற்றால் செய்யப்பட்ட தளர்வான, காலர் இல்லாத சட்டை உள்ளது. தோதியானது தைக்கப்படாத துணியால் வடிவமைக்கப்பட்டுள்ளது, சுமார் 4.5 மீட்டர் நீளம், இடுப்பு மற்றும் கால்களைச் சுற்றிலும், முன்புறம் அல்லது பின்புறம் முடிச்சு போடப்பட்டுள்ளது.
லீயு 6 இன் முகமதிப்பு கொண்ட தபால்தலை பிஹாரின் ஆடை பெண்களின் ஆடை, சட்டை (ஸ்பாடோய்) மற்றும் இடுப்பில் மடிக்கப்பட்ட ஓரங்கள் (போலே) ஆகியவை அடங்கும். நீண்ட காஷ்மியர் கர்சீஃப் (பாஸ்மா) மற்றும் பின்னர் சுமன் (நீண்ட கம்பளி கோட்) ஆடை அடங்குகிறது. ஆண்களின் உடையில், ஒரு குட்டை சட்டை, அகலமான கால்சட்டை மற்றும் ஒரு துணி கவசம் (ஜாடியா), அஸ்ட்ராகான் தொப்பி மற்றும் நீண்ட பூட்ஸ் ஆகியவையும் அடங்கும் என்றார்.இணைப் பொருளாளர் மகாராஜா, முகமது சுபேர், அரிஸ்டோ, சந்திரசேகரன், குழந்தைகள் நல மருத்துவர் முத்துராம், சந்திரன், அன்பழக பாண்டியன் உட்பட பலர் பங்கேற்றனர் முன்னதாக இணைச் செயலர் முத்து மணிகண்ட கார்த்திகேயன் வரவேற்க, பொருளாளர் தாமோதரன் நன்றி கூறினார்.